hjúkket!

Ef þetta kannabis hefði ekki verið gert upptækt þá hefði kannski einhver horft á video og borðað yfir sig af nammi.

Jæja, 350.000 kr. í ríkissjóð...

ég hef ekki einu sinni orku í að gera grín að þessari vitleysu lengur.

350 þúsund kr. sekt fyrir fíkniefnavörslur

Viljið þið gjöra svo vel að hætta þessu!

Hverjum er eiginlega verið að hjálpa með svona böstum?

Er verið að hjálpa neytendum úr klóm harðsvíraða fíkniefnasala? Eða er verið að hjálpa varnarlausum húsmæðrum frá stórhættulegum fíklum? Eða er kannski verið að hjálpa ríkissjóð með auknum sektum?

Það á að lögleiða öll fíkniefni. Ríkið ætti meira að segja að sjá um söluna sjálft.

Apótek myndu sjá um söluna. Ríkið myndi þannig stjórna framboði og verði. Undirheimar, handrukkanir og ofbeldið myndi hverfa. Ríkið hefði fjármagn í árangursríkari forvarnir og meðferðir. Besta væri að ríkið og lögreglan myndi vita hverjir eru að nota hvað og í hvaða magni, en það myndi auðvelda það til muna að stjórna þeim örfáu neytendum sem hafa ekki stjórn á eigin neyslu.

Dauðsföll að völdum eiturlyfja myndu einnig minnka. Allir þeir sem hafa dáið af ofneyslu E-taflna hafa látist af völdum annara efna en MDMA, sem er virka efnið í E-töflum. Fólk myndi verða óhrædd við að fræðast um eiturlyf og kalla á hjálp þegar hennar er þarfnast. En sjálfur man ég eftir nokkrum dæmum þar sem neyðarlínan hefði getað bjargað lífum ef það væri hægt að hringja í hana án þess að óttast handtöku fyrir vörslu fíkniefna.

Lögleiðing myndu stuðla að ábyrgari neyslu, færri hættulegum neytendum, minna ofbeldi, betri fræðslu og forvörnum, öruggari borg og meira af peningum í ríkissjóð.

Eiturlyf eru vandamál. Óholl og hálfógeðsleg. En vandamálið er af heilsufarslegum toga, ekki glæpsamlegum.

ps. sveppatíð er að hefjst í þessum rituðu orðum. Farið út, týnið sveppi, búið til te og hugsið út fyrir rammann.

Fíkniefni fundust í nokkrum íbúðum í miðborginni

Hvað kostar þessi skrípaleikur svo?

Íslenska landsliðið í handbolta stóðu sig frábærlega á Ólympíuleikunum í Kína, það mætti jafnvel segja að þeir hafi staðið sig eins og hetjur. En þeir eru ekki hetjur.

Handbolti er leikur. Skemmtilegur fyrir þá sem hann spila og fyrir þá sem horfa. Ég veit að ég skemmti mér frábærlega á meðan ég lá fram á barborðið á English Pub og reyndi að sjá sjónvarpið í fókus á meðan úrslitaleiknum stóð.

En tjilliði sko, það að fljúga frá Keflavík til Reykjavíkur í fylgd flugvélar og þyrla er bara absúrd.

Fálkaorðan verður líka verðlaus um leið og hún fæst fyrir að kasta bolta í mark og heldur í alvörunni fólk að það mæti tugir þúsunda manns í bæinn til að sjá strákana okkar veifa úr strætisvagni?

Það má alveg taka vel á móti þessum strákum, en það að gera það svona ótrúlega öfgafullt er bara súrealískt. En þetta hlýtur að þýða að það sé ekki lengur kreppa. Skál fyrir því.

Djöfull hlýtur líka að vera sárt fyrir Magnús Ver að sjá þetta. Munið þið ekki þegar hann kom heim eftir að vinna Sterkasta mann heims í þriðja sinn í röð og enginn tók á móti honum...

Svið reist á Lækjartorgi

Lög sem búa til glæpamenn.

Þetta er fullkomið dæmi um þegar lögum er fylgt blindandi án þess að leiða hugann nokkurn tímann að því hvort þau eigi rétt á sér. THC getur mælst í þvagi í mánuð eftir að það er reykt kannabis, en auðvitað hefur það ekki áhrif á aksturgetu nema rétt á meðan það er í blóði.

Menn gætu þess vegna komið heim úr fríi í Amsterdam og misst prófið sitt hér á Íslandi.

Það reykja margir kannabis. Hvort sem fólk gerir það einu sinni á dag eða einu sinni á ári, þetta fólk getur varla sleppt því að keyra þannig að það þarf vísvitandi (eða ekki) að brjóta lögin til að komast leiðar sinnar.

Þegar venjulegt fólk er gert að glæpamönnum með fáránlegum lögum eins og þessum þá hættir það sama fólk að samsvara sig með löghlýðnum borgurum. Þannig getur þessi vitleysa breytt hugsanamynstri fólks til laga almennt, gagnhvart lögreglunni, dómsvaldinu og ríkisstjórn.

En það er nú kannski ekki alslæmt.

Sviptur ökuréttindum fyrir akstur undir áhrifum fíkniefna

Velvilji?

Í annari færslu hér á síðunni talaði ég um herferð Vodafone og hversu smekklaust það er að stela menningarlegu fyrirbæri og afskræma það. En ólögleg veggspjöld í skjóli nætur eru hluti af unglingamenningu, hiphoppi, pönki og almennu andhófi gagnhvart þeirri pælingu að peningamenn fái einir að ráða útliti borgarinnar.

En hvað er málið með svokallaða "velviljuga borgara" sem er greinilega svo annt um helstu sjónmengun 21. aldarinnar (auglýsingar) að þeir rífa niður plaköt sem hylja þær. Þessir borgarar komust greinilega í uppnám yfir þessum veggspjöldum, það er að segja þangað til þeim var sagt að þær væru auglýsingar.

Aaaahh, þá eru þessi veggspjöld allt í einu orðin ekki bara ásættanleg heldur einstaklega sniðug leið til auglýsinga, jafnvel bara falleg.

Mér finnst æðislegt að fólk láti mál sig skipta, sérstaklega þegar þau mál eru sjónlistir í Reykjavík. En hvernig væri að opna fyrir möguleikann á því að kannski eru það þeir, sem af eintómri ástríðu, mála og líma í skjóli nætur sem eru að gera góða hluti. Ekki endilega þeir sem hafa það eitt fyrir stafni að selja vörur, ekki á nokkurn hátt skreyta eða tjá.

Farið út og rífið niður auglýsingar. Þessi veggspjöld voru neflilega engin ástæða til niðurrifs, það er, ekki fyrr en það kom í ljós að þær voru herferð frá Vodafone. Herferð sem hrækir á hugsjónir þess fólks sem er líklega ætlaður markhópur þessara auglýsinga.

Ert þú að skynja mig?

...eða hefur heilinn þinn minnkað í þvotti?

Auglýsingar rifnar niður

Ásdís Rán: Ekki góð í stafsetningu

Auðvitað ekki.

Allir fjölmiðlar á íslandi, í þessu tilviki DV, eru í stanslausri gúrkutíð. Þá er ekkert að gera annað en að búa til stjörnu, troða henni í hlutverk og segja svo af henni sögur. En það er svo sem gott og blessað... virkaði fyrir Gillz.

 En þegar hlutverkið sem fjölmiðlar (og í raun staðaltýpur samfélagsins) hafa troðið þessum "stjörnum" í er neyðarlegt og fréttirnar eru til þess að gera grín þá erum við kominn í einhvern súríalsíkan bizzaro heim þar sem vitleysingarnir eru VIP.

Ásdís Rán er léleg í stafsetningu því hún þarf ekkert á henni að halda. Í raun myndi stafsetning aftra henni frá því að vera þetta punchline sem lesendur bloggsins hennar eru að leita að. Þetta er bölvað níð.

Verst er þetta þó fyrir þá sem ná ekki brandaranum, fyrir allar þessar unglingsstúlkur sem að sjá þessa nauðgun og halda að hún sé eftirsóknarverð. Ef við hættum ekki að troða þessu liði í fjölmiðla til þess eins að hneykslast, gera grín og fá kannski eina standpínu þá endar þetta með því að við sjálf verðum hætt að ná brandaranum.

Það má til gamans geta að allt þetta á einnig við um Mercedez Club, Geir Ólafsson, Lalla Johns og hverja einustu "raunveruleikastjörnu" sem ég sé á Skjá einum.

Þetta byrjaði með The Gong Show árið 1976 og hefur bara versnað síðan...

Þessi aulahrolls-pervertismi á eftir að drepa okkur öll. 

 

Skítt með kerfið!

Nýjasta framtak stórfyrirtækja til að fá úllingana í landinu til þess að koma með sér í lið er Skítt með kerfið herferðin. 

Þar er pönki, sem lífsviðhorfi og andspyrnu, nauðgað og selt sem eitthvað sem kemur pönki alls ekkert við. Þeir hengja upp plaköt, hafa þau smá á ská svo að þetta virki allt saman róttækt, ólöglegt og satt.

En þetta er ekki satt. Þetta er ógeðslegt culture rape og smekklaus auglýsing frá símafyrirtæki.

Svo segist Óttar Proppe ekki geta talað um hversu mikil pening hann fékk fyrir þetta, en mig grunar að hann hafi ekki verið þess virði. Það er neflilega ógeðslegt bragð af því að ætla að éta þar sem maður skítur.

 

Punk! Yeah!

 

ps. svo er NOVA heldur ekki skemmtistaður.